Ti bout souf Lyrics

Ti bout souf ki rete m nan, eske m ka nan reponn kesyon

Ti bout moun mwen rete a, eske m ka bay eksplikasyon

Si chak fanm ki sibi yon vyòl, li dwe pran pwa yon sosyete

Si chak fanm yo abize, li dwe pot mak yon sosyete

E ki kote sa va rive

Si chak fanm ki sibi yon vyòl, li reprezante yon lòt menas

Si chak fanm yo atake, li retounen yon gwo dange

Pouki kò fanm pa yon pwazon, pou apwazonnen tout sa l' pa bay

Non kò fanm sonw benediksyon, e li va beni sosyete sa a

Si chak vyòl yon fanm sibi, se li ankò k'pote mak la

Si chak souflèt yo bay yon fanm, se li ankò yo akize

Si chak sa yon fanm sibi, li menm ankò k'dwe ret kache

Eske se pwa sa a li dwe pote , eske l'dwe viv pi mal konw chen

Ti bout souf ki rete m nan, kisa m'dwe bay nan yon sosyete

Vye kò pouri ki rete m' nan, kisa m' ka tann de yon sosyete

Lè fanm kouwè n' ki sibi vyòl, sou nou ankò yo lonje dwèt

E men k' poze sou nou yo tou, yo mache lib, yo rete lib, ret viv lib

Kou wè se mwen

Ti cheri kote w te ye, ti cheri kilè l te ye, ti cheri w' pouki te poukò w' , ti cheri kisa w tap fè

Ti cheri pouki w te bwè, ti cheri sa w te fimen, ti cheri ou se yon jenn fanm.

Ti bout moun ki rete m' nan, eske m'ka bay eksplikasyon

Ti rès souf ki rete m' nan, eske m' ka nan reponn kesyon

Si ti bout souf ki rete m' nan, li kontinye plonje nan wont

Mèsi leta

Mèsi pouvwa

Ogranmèsi patriaka

Nou te goumen, nou banm dwa goumen

Nou te mouri ak konviksyon

Nou dwe ret ak diyite, mèsi tout fanm te goumen

Pou nou te jwi moso byennèt

Batay te long, jou te sere

Nou pap koupab paske se fanm

Si n dwe chwazi jan n'ap vini

N'ap rechwazi pou vini fanm

Libète fanm se gwo jwuisè

Libète fanm bay bèl jwisans

Nou sèmante poun pa kite pèsonn mete nou anba pye

E n'ap goumen pou sa nou ye

E n'ap batay pou sa nou kwè

Poun rete viv nan diyite

E n'ap batay pou sa chanje