Refren doulè Lyrics

M sonw tifi ki tou piti

M sonw lèzanj kap pwomennen

Chimen mwen plen pikan

M pa gen yon zòrèy ki vle tande m'

Paske m piti, koze m pa vre

Pwoche zòrèy ou manman poum diw mouche sa a te manyen m

Pwoche zòrèy ou papa poum diw kisa tonton m te fèm

Pwoche zòrèy ou matant poum di w kijan kouzen m petri m

Pwoche zòrèy ou tonton poum di w sa vwazen an te fèm

Labrenn tonbe m ta pral benyen

Lè mwen santi prezans yon moun

Vire gade djòl mwen bouche

M rele anmwey men m pat gen vwa

Janm mwen benyen, kò mwen tou sal

Mande pouki vwa m pa sòti

Se gwo souflèt map resevwa

Monte kabann dòmi pa pranm

Fèmen je m se mak men li

Tanpri papa poze l kesyon

Kisa m ka fè a laj mwen ye?

Ki gwo dousè m ka pot pou li?

Kisa l' ka jwi nan yon zanfan?

Gade timoun ki nan laj mwen

Mande si yo sibi kouwè m'

Menm manje m pa ka manje

Ti kòm pa byen, se gwo lafyèv

Tanpri manman vin defann mwen

Tanpri manman poze l' kesyon!

Tanpri papa reyaji non!

Kisa ti kòm ka pot pou li?

Tout madichon se te sou dom

Tout gwo pawòl se te sou mwen

Tankou m te mande sa rive

Manman m dwete m papa klete m

Manman m tate m, papa m wonfle m

Tanpri souple souf map koupe

M bezwen yon zòrèy ki pou tande m!

M bezwen biskèt ki pou m apiye!

M rele anmwey yo pa tande m'

Tanpri manman tanpri papa

Ti pye m yo fèb, m pa sa kanpe

Tanpri manman tanpri papa

Tanpri manman tanpri papa

Tanpri souple souf mwen ap koupe

Pwoche zòrèy ou manman poum diw mouche sa a te manyen m

Pwoche zòrèy ou papa poum diw kisa tonton m te fèm

Pwoche zòrèy ou matant poum di w kijan kouzen m petri m

Pwoche zòrèy ou tonton poum di w sa vwazen an te fèm