Koulè lanmou Lyrics

Mwen pa mande konprann pi byen sa mwen santi sa m pataje lè mwen renmen

M pa mande w pou kesyone sam pataje ni sa mwen santi lè mwen renmen

M pa mande w poze kesyon ni ak kilès ni ki kote m vle pataje sa mwen santi

Mwen mande w respekte chwa m sou sam santi, sou moum m renmen ak sou tout sa m'ap viv

Mwen mande w konprann valè m ak moun ye! kisa mwen ka fè!

Menm si m renmen

M renmen moun mwen vle

M renmen moun ki fèm byen!

E ou menm!

Kisa sa sa fèw, kisa sa di w!

Pouki mwen paka diferan?

Pouki m pa nòmal?

E mwen menm ak tout sam santi e sam santi yo?

Ak moun m' vle viv yo

Ak moun m' vle bay yo

Se mwen menm, se kò pam, se kè pam, se mwen ki dwe deside

Se ou menm, se vi paw, se kò paw, se ou k ka deside

Se mwen menm, se kò pam, se kè pam, kite m poum deside!

Mwen renmen moun mwen vle

Sa sa wete sou valè m sim chwazi renmen moun mwen vle?

Sa sa wete sou tout sa mwen ka bay nan yon sosyete sim chwazi moun mwen vle?

Plezi a se yon ti moman

Tout sa m'ka baw se pou lavi

Kit se travay, kit se lanmou, kit se respè , li ka dire pou lavi!

M pa mande anpil, ni m' pa mande pi plis

M pa mande w chanje, kite m' viv janm vle viv!

M pa mande w pou pran plas mwen

Pouki w vle poum pran plas ou?

Nan ki m'deranje w?

Kite mwen egziste!

Mwen renmen moun mwen vle!