Aurum Fodiens Lyrics

Ayoko ng itama tong hinala ko

Maruruming kamay sa paghukay

Ay nahanap ko

Nilaliman mo sa yaman nung malaman ko

Na ang buhay ay may kulay sa pinakay mo

Bahaghari niya na bahay kaagapay mo

Tinitigan mong winasak ang tahanan ko

Pinatahan tinapik ko ang balikat ko

Binulong ko sa sarile iba ang ginto

Alaala na pinuyat ng gabi

Litrato mong madami na palagi kong dala

Kasama sa pangarap

Ibang plano mo pala

Hinuhukay mo sa yaman ang husga

Kapag merong salapi

Mabilis na kotse

At Magarang kamiseta

Malakas daw ang dating

Kapag nanggaling ka ng tate

Sinilip ang sarile

Don sa salamin di ko napansin

Alikabok di ko maalis kahit na linisin

Gamit luha sa pag kumpara

Daming ideyang iniimbak nakalampara

Pasok sa memorya ng makita tesla nikola

Eroplano dinala ko lang sa plano

At Ako'y gamo-gamo na nasunog sa sulo

Nasugatan sa talahib ng damo

Hindi nakita yung bato

Tumayo tinapik ko yung sarile

Nahulasan sa sapak ko sa bungo

Bakit ulo dito na tumungo

Paglabas ay lait ang natamo

Nagtawanan yung payaso

Sa leon... nirespeto yung palo

Maaaring sa ngayon sa sirkero sumunod

Pighating hantayin mo maulol

Pagkat babalik sa hayop ang hinayop saan mang sulok na lupalop

Pag puno na ang salop at natapong iningatan ang bigas mong binayo

Mainit na kanin ang niluwa

Dala ko na ulam

Patalikod mong sinuka

Ayoko ng itama tong hinala ko

Maruruming kamay sa paghukay

Ay nahanap ko

Nilaliman mo sa yaman nung malaman ko

Na ang buhay ay may kulay sa pinakay mo

Bahaghari niya na bahay kaagapay mo

Tinitigan mong winasak ang tahanan ko

Pinatahan tinapik ko ang balikat ko

Binulong ko sa sarile iba ang ginto

Walang trabaho at pangarap lang ang tangi kong dala

Nakatutok ka sa pera

Jan mo ko kinumpara

Panay kahel lang ang lagi kong papel

Dilaw at asul yan ang lagi mong lebel

Iniisip sa marahil

Ako lamang ang inutil

Ambisyon ko sa buhay balak ko na ngang itigil

Pagdududa sa sarile natanong ko lang kung bakit dahil

Na ang puso palaging gigil suwail to sa baril

At sa Ngayon tinuon sa pansarile kong singil

Mga nangmamata sa paligid na humuhusga

Naglilisik at nagalit na namumuna

Kakaunti lang ang aking kayang maipagmalaki

Di batugan na bayag ang pinapalaki

Padre de pamilya na kumpleto at ang ilaw ng tahanan bantay saradong hindi mapupundi

At kapag dumidilim, taimtim sa dasal na palihim

Suliraning malagim kayang kaya kong tapakan

Isang tangi lang ang kaya kong ilaban

Yun ang puso na ramdam, malinamnam kang tinatakam

Laging umiiwas sa haram

Mga dimonyo na takot na umaalam

Kahinaan ko sa buhay ay yung kulay di mapunta lahat to sa hukay

Maitim

Pinipilit ko palagi ilagak to sa puti

Mga labi ng binali ko na sungay nung gabi

Ayoko ng itama tong hinala ko

Maruruming kamay sa paghukay

Ay nahanap ko

Nilaliman mo sa yaman nung malaman ko

Na ang buhay ay may kulay sa pinakay mo

Bahaghari niya na bahay kaagapay mo

Tinitigan mong winasak ang tahanan ko

Pinatahan tinapik ko ang balikat ko

Binulong ko sa sarile iba ang ginto