Msekin Lyrics
- Genre:Hip Hop & Rap
- Year of Release:2021
Lyrics
لكلكم تتبدلو لكلكم تتبدلو
لكلكم تتبدلو كان لميمة تبقى تاج راسي
يروح المضلوم يروح المضلوم
يروح المضلوم وتبرى جروحي و نرجع لناسي
آه يا مساكين يا مساكين
وراء القضبان محكوم سنين و يعدي في ليلة
آه يا مساكين يا مساكين
قلبو مليان و ما عادش حنين و يلوج في حيلة
من جمعة لجمعة
في القفة دمعة
في عينيك اللمعة يامي تعبتك ما عادش تجيني
شوهت السمعة
زيد حطوني مع
الضالم والسارق بابا والله ولدك خاطيني
البو حزين
والخو يعاني
والأخت مشات ضحية جرة كلام الناس
خلو فيا تراس
وجيعة ما تتقاس
والحبس صعيب ولي هلكني كان الهلواس
الراجل ينداس
يحبو الرقاص
وانا حرت و حار دليلي وضاع فيا لاحساس
في بيت حجر مسكرة نحلم بالحرية
نعيش مع ناس متنكرة كل واحد بقضية
لكل مجرمين بلي سرق بلي قتل
و كان عالمضلومين تلقى منهم الاغلبية
النهار يتعدى بجمعة لا تراجي لا ويفي
نحسب فالأيامات لتوا ميدة حد ما زار
كل ما تهبط دمعة نقول يا ربي طامع فيك
توحشت نشوف الدنيا نبقى وحدي فالخضار
نحب ناخو فرصة جديدة ما عادش قلبي صافي
نبعد عالبشر خاطر في طبعو غدار
نعيش وحدي براسي و نمشي كان بكيفي
خاطر في أول غلطة خذيت حمرة مش انذار
آه يا مساكين يا مساكين
وراء القضبان محكوم سنين و يعدي في ليلة
آه يا مساكين يا مساكين
قلبو مليان و ما عادش حنين و يلوج في حيلة