La7n el 7ayet (لحن الحياة) Lyrics

عندي كان أمي نتوحش لبقية طيش عالحيط

سوايع نخمم في فرشي نهارين ما خرجتش مالبيت

ما نحبش نتقوى على روحي نكذب كي نقول نسيت

نستنى شكون يكلمني شاد تلفوني في اليد

عندي حلمة كبيرة و بش نوصل في روحي جامي شكيت

نعاود قراري لي خذيتو كيف يرجع بيا الشريط

قالولي بيعلنا روحك عفوا أنا لا أريد

مختلف ما كيفي حد خاترني ولد فريد

ماهيش صدفة كي تسمعني و تحس فيا نحكي عليك

نرابي شنربي العفاطة مش نعمل فيه تفدليك

حكيت على ناسي فالغربة و ما نسيت خواتي في الضيق

كي نموت نخلي تاريخ ولدي ما نخافش عليك

‏جمرة في يدي نستحلى يزي ما في قلبي خبيت

‏توا لازمني نتبدل و نوليلكم عبد جديد

بلي شقيت ما لقيت و ما سمعوني كي حكيت

حتى هاذي فيها حكمة بالك لازم نبقى بعيد

كل حاجة صارت في حياتك عندها معنى أكيد

ملي كنت في كرش أمك لين حبيت بعد جريت

بلي تكبر بلي تطغى ما تنساش منين جيت

تبقى بشر ضعيف عمرو ما الماء يولي حدي

كل ما نبعد عالناس كل ما مخي ينضاف

كل ما ناكل الحرام كل ما بدني يضعاف

كل ما نزيد نكبر عام كل ما مخي يخرف

آش دخلني فالإجرام نحكي في واقع شفاف

قداش من دوسي كملتو ناقصني كان الأكتاف

قداش الدولة هنتلتو في جرة 10 آلاف

تراكي كتبتو و كملتو و هاني نستنى الايقاف

خاتر الراب التونسي مات و انا جيت في إسعا

بالزاف كذب في كليبات رجال تبكي عالفيات

برشا فلوس فيتات وزف شدتها شبكات

و القرصان الليل يبات يكتب في لحن الحياة

مش انستاخرا إيفيات مش غادي تجي البيفات

و كانك إنتي تسالني مغرفة أنا نسالك مرميطة

نحب نروح للدار بقفة مش نروح بزقيطة

ولينا نعيشو في زمان كل يوم تشوف حاجة جديدة

الراجل بطل الشرب و المرأة مروحة شريطة

ما نجيبش تشة للدار غدوة نولي عندي صغار

ما نخاف مالكارما نخاف من ربي و فوق من هذا حزار

ما دامني نخمم في غدوة ننسى كان شنولي ستار

ما دامني نخمم شنصلح لازم نتحمل الأضرار

خلي الطيبة للطيب و خلي الطيب يتجعبن

و قولو عليا هرب تخبى كيف شاف الدجال

خلي الكلب مسيب ما دام الراجل يتجعون

و المرا تحب في مرا و الراجل يحزق سروال

خلي الحب لبنت الأصل و خلي الكره على جنب

ما تنحيش خشمك من وجهك هذا أكبر مثال

خلي الخرابورات تنبح ما دام الكلب يتحب

أمنيتي نبطل الراب و نمشي نخدم الحلال

عندي كان أمي نتوحش لبقية طيش عالحيط

سوايع نخمم في فرشي نهارين ما خرجتش مالبيت

ما نحبش نتقوى على روحي نكذب كي نقول نسيت

نستنى شكون يكلمني شاد تلفوني في اليد

عندي حلمة كبيرة و بش نوصل في روحي جامي شكيت

نعاود قراري لي خذيتو كيف يرجع بي الشريط

قالولي بيعلنا روحك عفوا أنا لا أريد

مختلف ما كيفي حد خاترني ولد فريد