Majnoun 2 Lyrics
- Genre:Hip Hop & Rap
- Year of Release:2022
Lyrics
في ليلة كحلة ضلمة دحيسة ما تنبحشي فيها كلاب
نمشي وحدي كيت في وذني نسمع في عبد الوهاب
عندما يأتي المساء. تخمامي ليس في النساء
تخمامي لكل في من أساء بالذات في غدرة الاصحاب
لازمني نقرى الف حساب من واحد نعمل نسخ
نعمل برشى كالمروج من واحد حتى الخ..
من واحد حتى ل200 و شوف كان نلقى معايا إثنين
لازمني ستة عينين باش ما نطيحش في الفخ
نمشي وحدي في ليلة كحلة نحس في سكينة في ضهري
ندور لتالي نشوف آش فمى نلقى ضميري مع زهري
لقيت الناس لكل خلتني و بقيت وحدي فارغ خاوي
وقتها فهمت لي الدنيا شرتني و باعتني و ردتني دهري
ابعدني خليني حزين لاني في نهاري لا في شهري
نحب انضف دوسياتي كيما عمل سامي الفهري
لازمني انضف حياتي و كل حد فيها اش يساوي
لازمني نضف كل شئ طلعت مريض بالوسواس القهري
هاني نمشي في المجهول كالقرصان المجنون
لي يلوج على حلول في فلوكا ضايعا وسط بحر
فلوكا و السماء مطر تبول و لكسيبة مريول مبلول
برد و في شهر أيلول فيروز قالتها ورقو صفر
نشد ثنية الحراقة خير ملي تشدني الباڨة
خدمة دراڨة مخي لاڨا نخزر للدنيا من طاڨة
واحل في عنق الزجاجة و ما عنديش صبر الناڨة
مطيش قلبي في باجة و بدني يڨاجي مع الفلاڨة
نحب نخلص في اتعابي ما دامني في عز شبابي
مبعد حد ما يعطيني كيف تثقل عليا ركايبي
مبعد حد ما يواسيني و حبي تعايرني شايب
من نعدى امي نور عيني تدوم لي كان ست الحبايب
مناش زملاء تقلي صاحبي نقلك لا
نسبك حتى كان نحبك كي تستاهل علاش لا
تبغض حتى فشربة ماء بلاصتك في كتاب البخلاء
نحبك نقلك فيق راك بهيم بالفم و الملا
كلمة لا ما تجيب بلا مالا لا يا سي علاء
ما نحبش نحل الجواب ما دام نعرف المحتوى
في بلاد كثرو الخونة و ما عادش فاها نبلاء
سياسينين عملاء و اعلاميين جهلاء
و برشا رهوط دخلاء في الراب برشا بوبالات
رابك خرا نحي المايك شد فيديك بابي تولاات
تونس بش نعطيها سترايك ما نحب ناخو فيها رترات
ما عجبتكش اعمل ديسلايك والا تعدى و عاونني بالسكات
نعطيك ايجابات علي باقي يصير في الكاواليس
نركب في سينارو حياتي تقول نلعب في طرح تيتريس
لي تحكي معاها ليوم غدوا تتخيل فيك عريس
فروخ تره نقيس فالتيكتوك جيل رقيص من 2006
نعمل في راب حلال باش نبعد ع الحرام
نعمل في حاجة نحبها في بلاصة المادام
ما نحب ش نربط روحي بحد لا نلوم لا نتلام
لا حب لا غرام عندي كان لموزيكا لغرام
وباقي تشوفو فيا انا مجنون
ثبت روحك بالك انتي المجنون