Ka Phawar Na Rum Weiloi ft. David Lartang and Group Lyrics

Hoiiiii Kiw Hoiiiii Kiw Hoiiiii Kiw

O.... dieng sohshang, dieng sohshang

Ha thaiñ Balat - ki kyllaiñ h'u diengsohphnat

Ki briew haba ki kren tah makhon ruh ni ka sat

Hoi Kiw

O.... shet phandieng, shet phandieng

Nong Mawkohphet, - ka dang sma haduh Rangthong

Ki briew kaei ki leh kim khuslai lada pynmong

Hoi kiw

O.... 'tiew kheiñ por, tiew khein por

U tip kamram - ba un phuh dep shiteng sngi

Ka ja jong ki samla lah da buh hapoh duli

Hoi kiw

O..... 'riat mawñiuh, riat mawniuh

Kam ju nguid briew - lada bha surok kali

Ïano te phin kynnoh da bishar ho para Ri

Hoi Kiw

O..... risang saw, risang saw

Kynthih sarong - lada nga kum klet ka jri

Mynder ki leh ba heh ba la don ba kdup ïa ki

Hoi kiw

O..... khluit ka ïew, khluit ka iew

Ha Borsora - tyrwa die ia Ri Khasi

Die lang te em kam long la batai ki nongdie Ri

Hoi kiw

O..... tang shipiah, tang shipiah

Mar poh khyndew, khlaw ba rben ruh shi suka

Shi suka ka ktien ka riam, ngin kham im da die khutia

Hoi kiw

O......shrieh rangdang, shrieh rangdang

Ki ïa pyrdet, ïa dien mong u lok jong ki

Leh ieit haba ym nang, mih ki snier te wat nym rkhie

Hoi kiw

O....... ngap synrai, ngap synrai

Kumno ka thiang - ne ka dud kumno ka lieh

Kylli lada phi smat, lym kumta kyrngah ka khlieh

Hoi kiw

O..... soh ki briew, soh ki briew

I bang ban bam - jong la jong te nai ka kthang

Nga nang tang ban bishni, ba ngan trei ynnai ngam nang

Hoi kiw

O..... mait kyrteng, mait kyrteng

Ki ksew lamwir - ïoh ki dait ïa kiwei pat

Jingpang bam pong ka sdang na i dak kat i ñiuhmat

Hoi kiw

O....ngin long mraw, ngin long mraw

Ha ri la jong - ngi sngewthuh ne em mynta

Ban tei ïa ka lawei ngi donkam ïa ki samla

Hoi Kiw