Ka Shyngkhan U Riew Ieit Ri ft. Iarapsbun Marbaniang Lyrics

U 'riewieit Ri hapdeng ba bun, dei 'riewshemphang

Ba Ri jingïoh kyntin'u Blei naduh ba sdang

'Ri' ka mut, 'ka khyndew' hapoh halor hajrong

B'u Blei ba ai la pynthikna da pud sawdong

Te Jaidbynriew tip Blei ka kam kynti ïa ka

Da bor longtrai bad hok kyntang lyngba ki rta

'Ri Jaidbynriew', kawei ka bor long kum shi tnga

Mynsiem ieit Ri ka teh pynskhem da jingshisha

Ko Ri Khasi, ïa pha nga ieit dap nud dap klong

Pynban u ksuid nga i u wan, jingieit u khlong

Nga kwah ban da, nga pyrkhat jngai kumno ngan lah

Nga khmih husiar, nga ap ia ka por ba kan pynkhiah

Haba ka Ri mynder bun rong ka pdiang longtrai

Ï'u 'riew ieit Ri ka ktah matïong, ka pynkhuslai

Nongwei bun jait te ba ka kdup, ai jaka rieh

La longrynieng ba khuid kyntang ka pynklim sih

U 'riew ieit Ri ba ieit jylliew naduh dohnud

Pyllait san shyieng sngew sang pap sniew ba un rai kut

U shu hap ri khun trai, khunrei, bad khun pongka

Kumne kordit ï'u 'riewieit Ri lynga shi rta

Ko Ri Khasi, ïa pha nga ieit dap nud dap klong

Pynban u ksuid nga i u wan, jingieit u khlong

Nga kwah ban da, nga pyrkhat jngai kumno ngan lah

Nga khmih husiar, nga ap ia ka por ba kan pynkhiah

Ko Ri Khasi, ïa pha nga ieit dap nud dap klong

Pynban u ksuid nga i u wan, jingieit u khlong

Nga kwah ban da, nga pyrkhat jngai kumno ngan lah

Nga khmih husiar, nga ap ia ka por ba kan pynkhiah

Ba kan pynkhiah