የተስፋ ድሃ/Ye Tesfa Deha ft. Mariamawit Lyrics

ከመጀመርያው እወድቃለው ብዬ ሳስብ

ግን ያልጠበቅኩት ጥንካሬ አለው ልቤ

ብቻዬን ነኝ ብቻዬን ነኝ

ማንም የለኝ ማንም የለኝ

ግራ ቀኙን ፊት ኋላውን

ባየው ባየው ብቻዬን ነኝ

ግን ለምን ለምን ለምን

ወጣሁ ወረድኩኝ በሃሳብ ስባዝን

ያቺን ጭላንጭል ተስፋ ፍለጋ

እራሴን ላድን ብዬ ከዚህ ጨለማ

አገኘኋት ስል ከጎኔ ርቃ

በቁሜ ህልም ሆናብኝ ተስፋ

በቁሜ ህልም ሆናብኝ ተስፋ

በቁሜ ህልም ሆናብኝ ተስፋ

ብቻዬን ነኝ ብቻዬን ነኝ

ማንም የለኝ ማንም የለኝ

ግራ ቀኙን ፊት ኋላውን

ባየው ባየው ብቻዬን ነኝ

በአራት በአራት ብረት የታሰረ ልቧ

ጮራ የናፈቃት የጭጋግ ምርኮኛ

ጉም ዘግና ልትወስደው ሰብስባ ሰብስባ

ለካስ ብቻዋን ነች ማንም የለም እና

ብቸኝነት ውድቀት ብቸኝነት ሃይል ነው

መርምሮ ላወቀው የጥበብ ቁልፍ ነው

ሰው ብሎ ፍጥረት መቼም ላይል በቃ

አይኑም ላይጠግብ ጆሮውም ላይሞላ

ግን ሁሌ ይኳትናል ብርሃንን ፍለጋ

ልቤ ካልተቀበለ ብቸኝነቱን

ባዶ እጁን መጥቶ ባዶውን መሄዱን

ከእኔው ከውስጤ ብርሃን መፍለቁን

ዘንግቶ ልቤ ህያውነቱን

ከሁሉ ፍጥረት ተሳስሮ ያለው ውህደት

እንደ ሰንሰለት አንድ ህብር ጥምር

ከባህር ጨረቃ ከእፅዋቱ ሁሉ

ተዋድጄ ብኖር ሙሉ ነው አለሙ

እነሱም የኔ እኔም የነሱ

ግን ተስፋን በመዳፍ በእጁ ሊይዘው

በነፍሱ ሳይሆን በስጋው ሊቀምሰው

ወጥቶ የቀረው አለም ትቁጠረው

ንፋስ መከተል መድረሻው የት ነው

ንፋስ መከተል መድረሻው የት ነው

ንፋስ መከተል

ብቻዬን ነኝ ብቻዬን ነኝ

ማንም የለም ማንም የለም

ግራ ቀኙን ፊት ኋላውን

ባየው ባየው ከእኔው ጋ ነኝ

ብቻዬን መሆኔ ከነፍሴ

ብርታት ሆኖኛልም ለጎኔ

ብቻዋን መሆኗ ነፍሴ

አርጎኛል ጥንቁቅ ለአንድ እራሴ