Mikopo ft. Adam Shule Kongwe Lyrics

Sina tafiti yoyote ila nabonga kwa ujasiri/

Kwamba wote mnajua kuwa kukopa ni nini/

Na ili mada iwe tamu uskute wote mnadaiwa hapa/

Mnabisha? Mbona wote hamuitikii sasa/

Iza, hiyo ni commercial break/

Haya wote turudini katika mada yetu hii/

Kwanza jiulize kwa nini unakopa/

Jishauri au omba ushauri kabla ya kutoka/

Jua utafanya nini kisha ukakope/

Sio ukope ndo utajua kichwa matope/

Na tafuta mikopo yenye riba nafuu/

Watu wengi wameumizwa kwenye riba za juu/

Kopa kiasi unachoweza kurudisha/

Acha tamaa sifuri unazoongeza utazilipa/

Na Hela nyingi usikope kuanzisha biashara/

Mkopo ni wa kuimarisha biashara/

Hiyo hela inabidi izunguke ili izae/

Ili deni lipunguzwe hawajakupa Ili ikae/

Na achana na biashara za kupata majaliwa/

Kuwa fasta na ambazo ukizifanya uhakika/

Kuwa makini sana na dhamana/

Usije poteza vitu vya thamani na vya maana/

Kama mali sana sana/

Nini samani, nyumba zinauzwa mchana mchana/

Mikopo ina ubaridi na joto la maana/

Mikopo ina faida na mikopo ina hasara/

Yani ina pande mbili ka sarafu/

Kwa hiyo cheza kwa akili acha rafu/

Ukiliwazwa na matunda ya ukimaliza kulipa/

Waza na za hatua za ukishindwa kulipa/

Kuwa makini na mikopo tuliza akili kwa mikopo/

Kuna utajiri kwa mikopo na umaskini kwa mikopo/

Mara tu unapopewa usizuzuke na pesa/

Sababu za kuombea uzikumbuke mapema/

Mzee wangu acha kukopa ukaponde raha/

Kula nyama choma kugonga mapombe bar/

Na mamdogo unauchubua ka huskii/

Usitegemee mkopo kununua waksi/

Au Kupika kupakua mahanjumati/

Kulumbua ili kuwaumiza pua majirani/

Mikopo yenye faida ni ile inayokimbiza lengo/

Yenye tija ile Inayotimiza lengo/

Ile ambayo ikiisha inakuacha umesogea/

Piga mahesabu uone umepata umepotea/

Kila ukitaka kulala kumbuka unadaiwa/

Hii itafanya uwahi kuamka na hasira/

Kudamka na dhamira ya kutafuta ngawira/

Kungachamka ili mifuko iweze umuka ka ina hamira/

Ka malipo ni ya awamu aisee acha mchezo/

Zingatia sana tarehe ya marejesho/

Ili kuepuka fine au adhabu/

Usilale au ukae uandae na sababu/

Kumbuka fine kama utumbo itakujazia nzi/

Utachelewa kumaliza itakupunguzia speed/

Ukijiskia uvivu kukomaa hata kidogo/

Rudi Kasome tena masharti ya mkopo/

Mikopo ina ubaridi na joto la maana/

Mikopo ina faida na mikopo ina hasara/

Yani ina pande mbili ka sarafu/

Kwa hiyo cheza kwa akili acha rafu/

Ukiliwazwa na matunda ya ukimaliza kulipa/

Waza na za hatua za ukishindwa kulipa/

Kuwa makini na mikopo tuliza akili kwa mikopo/

Kuna utajiri kwa mikopo na umaskini kwa mikopo/

Yeah, Wazoefu wanakwambia siku zote/

Kama hakuna ulazima usikope/

Maana Kukopa harusi ila kulipa matanga/

Kukopa ni nuksi acha kuita majanga/

Unaambiwa usikope kisa flani amekopa/

Au umetamanishwa na tangazo ukanyooka/

Ule ulimi mtamu wa afisa mikopo/

Usikuchanganye maana akibadilika ni nyoko/

Hujaskia mtu amekimbizwa madeni/

Anaishi kwa mashaka anajificha na hahemi/

Heh!! Akiskia hodi tu presha/

Hata usingizi hauoni anakesha/

Unacheza. Watu wanafilisiwa kutwa kucha/

Wapo waliokimbia familia wakazisusa/

Wapo waliopata magonjwa mpaka sasa hawajapona/

Waliobahatika kurudi wengi wao wamekoma/

Mikopo inatesa saa zingine inaua/

Sio maskini tu hata matajiri wanajuta/

Ila ukituliza kichwa na ukaenda na muda/

Ukajifunga kabisa mbona utayapenda matunda/

Jifunze kwa wale walioinuka kwa mikopo/

Jifunze zaidi kwa waliokutwa na mikopo/

Ningekwambia kuhusu Serikali na mikopo/

Ila kuweka roho rehani ndio sitakagi hiyo mikopo/.