Lewt Lyrics
- Genre:Hip Hop & Rap
- Year of Release:2022
Lyrics
ተጀምሮ እስከሚያልቅ ሁሉም በሂደት ውስጥ ነው
ሊንበረከክ በጊዜ ፊት ሲታገል የኖረው
ተሸንፎ እንደሚቀየር ለዘላለም ያለው
አይመስለንም እንጂ ለውጥ ተፈጥሮ ነው
የታሪክ አውነቱም መሃል ይረሳል በዘመን
በሀል ይቀየራል በቦታ እና በቀን
ሰው ለውጥ እምቢ ቢል አዎ ትነሳዋለች ድል
እያንቆራጠጠች ይቺ የጊዜ ብትር
ሆኖም በፍላጎት መቀያየር ይቻላል
ብልህ በራሱ ሣይደርስ ከሚያየው ይማራል
ምክንያቱም አሁን ላይ ህይወት ጨዋታ አይደለም
እድሜን እየገፉ አይባልም አይኖር ዘላለም
ከትላንቱ መቼም ዛሬ ተገኝቷል ተሸሎ
ቢጨምርም ሃላፊነት ባይጫንም ቀሎ
ግን ባለፈው ጠንክሪያለው ችዬ እንደምወጣው
ተምሬበት በጥፋቴ ቁጭት ልቤን እየቀጣው
ጨርሻለው ብዬ ሁሉን ቀይሪያለው
አልገባኝም እንጂ ለካ ለውጥ ተፈጥሮ ነው
ደስታ ያለበትን እውነት ስንቀበል
ያኔ ያቆማል ስቃይ ከራስ ጋር መታገል
ከሀሳብ ጋር ትግል
ስጮህ ጥያቄ ሥል
መልስ ሆነኝ ሰማይ
ጨልሞ ነጋ ሳይ
ከሀሳብ ጋር ትግል
ስጮህ ጥያቄ ሥል
መልስ ሆነኝ ሰማይ
ጨልሞ ነጋ ሳይ
አዎ ለውጥ ግድ ነው
አዎ ለውጥ ግድ ነው
አዎ ለውጥ ግድ ነው
አዎ ለውጥ ግድ ነው
አስተውል ሰው ይቀየራል ባሳለፈው
ሲረገም አይተናል ብለን የባረከው
የምር ማን ማንን ይዳኛል በዚች ምድር
የትኛው ቤት ንፁ ያልሰረቀ የሌለበት ሚስጥር
የሌለበት ክህደት አዎ የሌለበት ቅናት
የሌለበት ውሸት አዎ የሌለበት ጥፋት
ግን ይኖራል ተቻችሎ በዛች አንድ ምክንያት
ማንነቱ ነች የቤቱ አይችልም ሊተዋት
ሰው ነው ልክ እንደቤቱ ነው
ፍቅርን ያስተማሯት ፍቅርን እንደምትወርሰው
በጥላቻም ያሳደጉት ከፉ እንደሚቀርፀው
ለዛ ነው ሀገራችን አዎ እኛን የምትመስለው
ያ ጉጉት በልጅነት ሁሉን ለማሳካት
ፍቅር ገንዘብ የሚያምር ቤት ደስታ የማያልቅባት
ማለም ማለም ብቻ እድሜ እስኪያነቃ
ካልከፈሉ ዋጋ ይቺን አለም መግዛት አይቻልም ለካ
በቃ ሳይረፍድብኝ እኔም ሀሳቤን አምኜው
ልቤን ዝም በልልኝ አዎ እያልኩኝ ቀይሬው
በዛም በዚም Hustle አዎ ድርሻዬን ላገኘው
ሳይፈታ እንዳይቀር ተው እኔም የማልመው
ከሀሳብ ጋር ትግል
ስጮህ ጥያቄ ሥል
መልስ ሆነኝ ሰማይ
ጨልሞ ነጋ ሳይ
ከሀሳብ ጋር ትግል
ስጮህ ጥያቄ ሥል
መልስ ሆነኝ ሰማይ
ጨልሞ ነጋ ሳይ
አዎ ለውጥ ግድ ነው
አዎ ለውጥ ግድ ነው
አዎ ለውጥ ግድ ነው
አዎ ለውጥ ግድ ነው