Egombe Nde Lyrics

Egombé ndé é go kamba na wè

Azwa téni g'émwènô ga kombé n'ogwèli ntinandé

Egombé ndé é go takilya wè

Agamba ma wunizo myé g'okuwa awè go tiga myè

Egombé ndé é go dyènana n'awè

Go bulyña wè myè mè nkaza yinô yiré myè g'orèwan

Egombé ndé é go sômbana na wè

Go fiña awè na myè ga dyawo ni ndyoni g'ipakily'isazo

Parapa parapa rara, parapa aa, parapa parara

Parapa papapa paraaara parapa

Egombé ndé é go tévuna wè

Awa féli orèma polo g'inoka sé takilyo wè

Egombé ndé é go bulyña wè

Inè awana w'até mamizaga élowè zô na myè

Egombé ndé é go bambiza wè

Dyô awè ko ñéza myè g'agamb'améngé ma léndogo myè

Ma myéni inè ma lénizigi wè

Nènô ma mèmi go bambiza wè iñéza s'erèwan

Azwè dyawo g'impangano yazo

Azwa luwo igamb'imô g'ipikilya sa géndjogo zwè

Nd'ikamba s'anaga sa dyandji polo mè

Kwanga g'owéndja-nènô g'até zwè numbanaga

Egombé ndé go kamba na wè

Egombé ndé go pôniza myè orèwan

Egombé ndé go kamba na wè

Egombé ndé go pôniza myè orèwan

Eh égombé ndé go kamba na wè èè

Azwa téni awè na myè ga kombé n'ogwèli g'émwènô ntinandé

Wanga ni mbolo yamwi go mpônô awa bika go dyivira yo

Azwè gunu n'awana wa yano zwè g'émwènô azw'awani

Egombé ndé go kamba na wè

Egombé ndé go pôniza myè orèwan

Egombé ndé go kamba na wè

Egombé ndé go pôniza myè orèwan

Eh égombé ndé go kamba na wè éé

Gunu indégo sazo gi bambizaga myè intchango sô

Banga ni nkolo intchô myè g'ogômbô go péngina wè

Agwèra ma kalw'agwèli, agwèli ma kalw'impuwan g'orèwan

Egombé ndé go kamba na wè

Egombé ndé go pôniza myè orèwan

Egombé ndé go kamba na wè

Egombé ndé go pôniza myè orèwan

Nana nanana

Eh ééé

Egombé ndé go kamba na wè

Egombé ndé go kamba na wè

Mé pikilyo wè g'orèm'iwô nènô, méré mya

Mya tigani dolo ozônga dolo go péngina nwè

Yéni, stéphie, karen

Mya tigani kao n'éñonga z'agamb'imazo améngé g'orèwan

N'azév'imazo, n'ayôn'imazo améngé

Eh ééé

Okuwa dolo

Eh ééé

Kao ni noné s'imèna sa mw'onaga na mw'onaga

Okuwa dolo

Anka dolo

Eh !

Egombé ndé go kamba na wè

Egombé ndé go pôniza myè orèwan

Egombé ndé go kamba na wè

Egombé ndé go pôniza myè orèwan