OSAMU É DÉMBO Lyrics
- Genre:World Music/Folklore
- Year of Release:2023
Lyrics
Osamu é démbo
Isilin'ipolo g'émènô sé dyéliz'awéngé
Osamu é démbo
Ikug'ipolo g'émènô sé dyéliz'awéngé
Osamu ombya g'émènô a rév'oma
Wimby'émènô zô ndégo émèno éwya
Ndjôgôni avilé nkundu aré koga ndégo
Lwanizaré orèm'iwô simati
Osamu é démbo
Mfévi mpolo g'émènô yé pèniz'awéngé
Osamu é démbo
Ekalé évolo g'émènô zé dyéliza awéngé
Dy'oma aténi g'éyanga aré dyon'iyano
Nènô mango mango go butana n'olunda winô
Myagaga go dubya omwa-rérè na wè ndégo
Emènô zinô zibé savina wè ntchugu
Ntèndè a vango no mwanga
Ndjôgu véndé a ñika é tondomina
Ogwana é dyômbun'okuwi wè ndo wandamina
Wandamina mé kôguño wè g'ogwan'iwô ndégo
Igambyédu g'émènô zazo kao s'itangino
Onamba wi nègiryaga a maniz'otélé
Ogèlè 'a lèngé mpundji, iwôlô galo isèmbè
Nkèma ê kuga é ñé nkôndjô
Osamu é démbo
Ndwani mbya n'amôri yé nungun'améngé
Osamu é démbo
Orèm'ombya n'amôri wé bagin'awéngé
Mé tangino zwè mènè no mwanga mèré myo
Améngé mé byéna zwè kao ndumbaga
Nd'émènô z'oma zéré intchambi iñéngé
Rigé singwazingwé okuwa ndégo
Olonda aré bônda g'égombé zi gani
Eréré zi singazinga polo zo no môguno n'ogulo-nkangwè
Nkani wanga a pénda, éréré ré dyôngo ni mpyo
Myagaga go sindina nago péngin'égombé zô
Osamu é démbo
Itambédéwin'ipolo sé dyoniz'awéngé
Osamu é démbo
Got'ozapé w'émènô zô
Osamu é démbo
Mangomango go kômbiz'égombé nènô ndégo
Osamu é démbo
Got'ozapé w'émènô zô
Osamu é démbo
Awè bandamina n'ézôma zé koko nè onangananga
Osamu é démbo
Got'ozapé w'émènô zô
Osamu é démbo
Wandamina igambondinga a vémi g'ogômbô-nkala ndégo
Osamu é démbo
Got'ozapé w'émènô zô
Osamu é démbo
Awè myagaga go sindin'agamba g'émènô ndégo
Osamu é démbo
Got'ozapé w'émènô zô
Osamu é démbo
Etoré ézango ga dyuwaga kao ñéni nè mamè wandamina
Osamu é démbo
Got'ozapé w'émènô zô
Osamu é démbo
Ikamb'ibya n'amôri sébé tolisa wè ntchugu ndégo
Osamu é démbo
Got'ozapé w'émènô zô
Osamu é démbo
Emènô zazo ziré agamb'améngé wandamina ndégo
Osamu é démbo
Got'ozapé w'émènô zô
Osamu é démbo
Osamu é démbo
Got'ozapé w'émènô zô
Osamu é démbo
Got'ozapé w'émènô zô mbyambyé béméné ndégo
Osamu é démbo
Got'ozapé w'émènô zô
Osamu é démbo
Osamu é démbo
Got'ozapé w'émènô zô
Osamu é démbo
Osamu é démbo
Got'ozapé w'émènô zô
Osamu é démbo