ALPAS Lyrics
- Genre:Hip Hop & Rap
- Year of Release:2024
Lyrics
Ano'ng bago rito
Pwede parinig
Merong baong ritmo
Sining sa bibig
Ano'ng bago rito
Pwede parinig
Merong baong ritmo
Sining sa bibig
Bago paglipasan ng panahon
Lalaspagin ko muna
Buhay na hiram
Pagbalik may interes nang kasama
Mumunting batang paslit
Sagad-sagarang kulit
Mga guro sa eskwela sa akin palaging galit
Paghakbang pa lang sa unang baitang
Minamaliit
Sariling bayag ko lang aking bitbit
Ginamit na beat
Bawat busina ng jeep
Gatilyong nagclick
Kapag kinakalabit
Palad dikdik sa dibdib
Salute, mga bumilib
Sa gripo 'di galing yung tubig
Binomba yung poso
Pumila ako't umigib
Tagal nagmasid
Sa mga orig
Pangalan nila
Ang bukambibig
Tumalas yung tabas ng dila
Kakasambit ng bawat pantig
Dalawang kamay naka peace sign
Abutin mga pangarap mong high
Mga salitang inaral isabuhay
Pag nag-init na ako, it's game time
Like Mike Ayonayon
Bubuga ng mas mainit pa sa magma ng Mayon
Kapag, bumali, wala kang bawi
Ikaw pa lugi, kapag humawi
Hindi na bale o baka sakali
Paki lawayan aking bola para iwas bati
Walang kunwa-kunware
Ang salita ng Hari 'di mababali
Tutuluyan kang mayari
Pugot ulo ng kalaban na manok sa
Talas ng aking tari
Sa'kin walang hindi ma-a-a-a-ri
Ito ay sermon may basbas
Dura ng pari
(Haaaaakkk)
Dura ng pari
Ano'ng bago rito
Pwede parinig
Mero'ng baong ritmo
Sining sa bibig
Ano'ng bago rito
Pwede parinig
Mero'ng baong ritmo
Sining sa bibig
Bago paglipasan ng panahon
Lalaspagin ko muna
Buhay na hiram
Pagbalik may interes nang kasama
Ang gamit mahal 'pag bago
Lahat, 'pag bago mahal mo pa
Mahal ngang tunay hindi basehan
Ang presyo ng tamang halaga
Kaso napasubo ka na
Sa karera ng daga
'Di ba katakataka
Kakahabol mo sa keso
Paano aalpas
Eh bida ka sa palabas
Pahabaan ng balbas ng mga preso
Sa katunayan, malaya may alam
Buksan ang aklat nang iyong malaman
Ang listahan ng mga utang, buwanang bayarin
Aminin sa'kin tayo rin naman ang mga salarin (mga salarin)
Alam ko, kaya nga
Gusto na lumaya
Nakabilanggo
Sa sistemang madaya
Akina'ng biyaya
Gising hindi nakatihaya
Ang tunay na makata
Hahampas mga salita
Gamit lamang dila
Ilawan ng kandila sa dilim kung 'di mo kita
Liham na naglalaman ng masamang balita
Pati sarili mong pamilya 'di na makikita
Kulang dalawang binti na tinaya
Isama mo magkabilang paa, tuhod at hita (Ugh)
Ano'ng alam mo sa pag hihirap ko
Ano'ng alam mo sa pag hihirap ko
'Di ka malulugi God
Titulo ng essay ko sa Yellow pad
Ginawa kong eroplano
Sinagad ko yung pag pa-pa-pa lipad-pad pad-pad
Ano'ng bago rito
Pwede parinig
Merong baong ritmo
Sining sa bibig
Ano'ng bago rito
Pwede parinig
Merong baong ritmo
Sining sa bibig
Bago paglipasan ng panahon
Lalaspagin ko muna
Buhay na hiram
Pagbalik may interes nang kasama
Basta't, asawa'y katabi kapag kumain 'di na bale kung walang lamesa
May yaman nga, hapag mahaba, kainan punong-puno ng handa
Kaso usap-usap wala, dulo-dulo ang pagitan, mag kabilang banda
Yung sabaw ng kalabasa paki pasa mo na, baso, plato at tasa, siya
Oh siya aah
Oh siya siya siya
Oh siya siya siya
Ano'ng alam mo sa paghihirap ko
Ano'ng alam mo sa paghihirap ko
Eh 'di man lang kita nakasabay kumain ng tuyo