Sótthreinsi-myglulykt Lyrics

Meira að segja þegar að fólk kom með AA fundi og svona, það var svona ákveðin eymd yfir því. Út af því að það var engin, því þetta voru yfirleitt bara strákar að koma með fundi, og það var einhvern veginn engin tenging, það var engin tenging í neitt.

The funny thing about prison, when you go out of prison, your memory blocks out. I block everything, I don’t remember how the smell was.

Svona sótthreinsi myglulykt.

Það fengu held ég bara allir vinnu. Þetta var einhver svona hálfvita vinna, hefta saman einhverja pakka. Þetta var eitthvað svoleiðis.

Þetta var gamla upptökuheimilið, þú manst eftir því.

Þarna var ég þegar ég var unglingur. Þú vissir að það var sundlaug þarna og allt, stór sundlaug þarna þegar þetta var upptökuheimili. Kópavogsbraut 17, það var fangelsið. Svo var það nían, það var einangrunin. Þar var maður bara hafður í einangrun í 3 mánuði, 14 ára gutti skilurðu. Bara verið að refsa manni.

Þú varst líka, þú varst laminn þarna. Þú varst alveg tekinn í tætlur. Þetta var sko upptökuheimili, í dag yrði þetta aldrei leyft maður. Við fengum samviskubætur.

Þessi sem átti að vera svona ofboðslega hættuleg, þessi eina kona, þær voru allar skíthræddar þarna inni. Ég var bara svo hissa þegar ég sá þessa Ísafjarðar-Beggu, af því að það var búið að segja mér frá þessari konu. Það var hún sem tók á móti mér þegar ég kom bara beint af götunni. Hún lánaði mér sokka, og eitthvað svona.

Það skildi enginn í þessu. Ég var svo hissa! Nei, þú hefur engan drepið sagði ég bara. Ég er ekki að segja að einhver hafi ekki dáið af þínum völdum, sko. Hún var ekkert ein þegar upp var staðið. Þannig að ef hún hefði ekki tekið mig bara til sín, þó að hún hefði ekki gert þetta, þá hefði þetta aldrei, skilurðu, nálgast neitt af því sem að Konukot er búið að vera. Það á að banna þetta Konukot.

Sko, málið er það, að ég lenti í útistöðum við einn mann á Litla-Hrauni og við vorum færðir báðir. Og þá voru tvö pláss laus, eitt í Hegningarhúsinu og eitt í Kvennafangelsinu. Og sko mér hefði aldrei verið hleypt í Kvennafangelsið, út af því að ferillinn minn er svo svakalegur í fangelsi. Þú veist, ég er með svo grófan feril. Ég er búinn að brjóta svo mikið af mér. En það var bara Kvennafangelsið, svo tóku þeir við mér þar og svo sögðu þeir við mig eftir 4 daga, “ef þú vilt vera hérna, okkur er alveg velkomið að hafa þig, en ef þú bara brýtur eitt af þér þá ertu farinn um leið!”.

Af því að ég kynntist strippara og hún var að flytja inn ecstasy fyrir hana og … hérna … hún var eitthvað hrædd og bað mig um verndarhendi. Og ég gerði það. Og við urðum bara góðir vinir. Og svo var ég að labba út úr herberginu hjá henni klukkan 8 að morgni, þegar að fangavörðurinn mætti mér. Það var ekki sniðugt!

Það var körfuboltavöllur þarna og eitthvað. Það voru bara tveir aðrir strákar þarna þegar ég var þarna, sko. Það voru svo fáir, það var ekkert hægt að svona, maður fékk ekki mikla hreyfingu heldur.

Svo var ógeðslega mikið af kexi og svona dóti þarna í eldhúsinu, alltaf! Alltaf nýr kexpakki, alltaf!

Svo þetta föndurdæmi þarna, þetta var svo bara lokað þegar það var ekki vinna. Ég man mig langaði einmitt að mála eða gera eitthvað svona, það var ekkert í boði sko. Náttúrulega bara auka vinna fyrir þau.