Dondon ft. John Gil Lambiquit Lyrics

Kahibalo ko nga dili pa karon ang akong panahon

Maghuwat nalang sa daghang ugma puhon

Ug dapat dawaton ko nga dili gyud ni sayon

Kadugay bang mamunga sa akong mga gitanom

Tanang kasakit 'hangad sa langit kanindot sa mga bitoon

Nagsampit sa kahitas-an unta 'dunay mahulog 'ron

Apan timan-e dili permenti ang imong mga kalisdanan

Tanang tua sa taas diri pud na sa ubos gikan

Pangandoy ko ang madunggan sa kadaghanan

Mo abot ang panahon ako napud inyong pakpakan

Nangandoy kong ma-ilhan sa kadaghanan

Taas-taas pa gyud kog tungason

Pero daghan ko ug rason para mo padayon lang

Ako si Dondon, usa ka musikerong yungit

Maglisod litok sa R ug S feeling lyricist

Ug dili ninyo mapugngan ang akong mga tikang

Bahala nag lubak-lubak man ni akong gi agian

Ang mga libak ipalapos ra sa pikas dunggan

Kay inyoha rang mas gipa-baga ang akong gi silaban

Kung pananglitan man ganing isalikway ka nila

Di mabalaka kay di makuhaan ang hangin mong gihinga

Hunahunaa ang panata nimo sa musika

Mikropono gitara ang akoang sandata

Ug dili nako ni undangan

Hantod dili nako makabtan

Kung madagma man gani, migo barug lang

Ikaw ang nagsulat sa imong kapalaran

Dili ni binuang

Way imposible kung maninguha lang

Kung magkulang man gani migo sulat lang, hulat lang

Puhon imoha ng kanta ang ilang siprahan

Pangandoy ko ang madunggan sa kadaghanan

Mo abot ang panahon ako napud imong pakpakan

Nangandoy kong mailhan sa kadaghanan

Taas-taas pa gyud ko'g tungason

Pero daghan ko ug rason para mo padayon lang

Padayon lang

Pangandoy ko ang mailhan sa kadaghanan

Mo abot ang panahon ako napud inyong pakpakan

Nangandoy kong madunggan sa kadaghanan

Taas-taas pa gyud ko'g tungason

Pero daghan ko ug rason para mopadayon lang