Pibellau Lyrics

Ma'n amser maith ers nes di ddod yn ol

Y dagrau'n llifo fel yr alcohol

Ond nawr mae pethau'n gwella

Rhwng y pibellau

Dwi'n anatod ond dwi'n eithaf clwm

Pam ddoist ti nol ma gyda calon plwm?

Ti'n caru'r tywyllwch

Bob dydd yn ddirgelwch

Cyrraedd man lle oedd my mhen yn syth

Dod nol i ddodwy yn fy nyth

Ond nawr mae pethe'n gwella

Rhwng y pibellau

Amser maith ers nes di ddod yn ol

Dim byd yn llifo ond alcohol

Ti'n mynd trwy dy bethau

Rhwng y pibellau

Dwi'n trio rhoi eiliad mewn i geiriau ond dwi methu

Mae'n diflannu cyn fi troi fyny

Nes i benderfyny tyfu barf

Clirio'r anwedd i ffwrdd o'r drych yn y 'stafell molchi

Gwichio ar fy mynegfys

A dyna fo yn dod i'r golwg - fy nhad

Di cael cawod, a rhuthro syllu nol arnai

Gwallt du trwchus, barf gwyn ar ei wyneb caredig

Fel hanner o 'guiness' pen i waered mewn gwydr brandi

Syllais. Oedd o i weld wedi drysu

Traed brain ar ei lygaid llwyd main

Rhywun oedd wedi gwenu gormod

Profiad rhyfedd oedd i mam gweld ei gwr ling di long ar y llwybr mewn 'hoodie'

Ond dyna fo - Nol o'r apwyntiad yn yr ysbyty undegpedwar o flynyddoedd yn ol

Mae galar wastad yn bresenol

Ond does neb yn siarad amdana fo

Dim ond efallai ar benblwydd neu briodas

Mae profedigaeth yn llechu mewn sied

Bocsys hoelion a sgriwiau

Plygiau a ffiwsiau wedi ei labelu'n orfodol

Lluniau polaroid mewn bocsys llychlyd

Delweddau du a gwyn o gyplau'n gwenu mewn flares a sgertiau mini

Yn cydio mewn potiau peint

'Snowballs' a ' Babyshams'

Nosweithiau tragwyddol yr haf

Cyrraedd man lle oedd my mhen yn syth

Dod nol i ddodwy yn fy nyth

Ond nawr mae pethe'n gwella

Rhwng y pibellau

Amser maith ers nes di ddod yn ol

Dim byd yn llifo ond alcohol

Ti'n mynd trwy dy bethau

Rhwng y pibellau