فولكينو - السيرك Ep1 Lyrics

مشكلتي عم بالغ بفرط الإدراك فبطش بمخي القبح بالصياغ

ضيعانا لو ربع خصوبة خصوتن عم تعطيهن عدوى بخصوبة الدماغ

الفرق فسيح ومتباعد ما بين الشقي و المستفضى بفراغ..

سطحية تفكيرن مصبوغة بحماقة فبلعن وبصقن جدا مستساغ..

الناضج طبيعي يقتنع بأنو ممكن يخطئ محد معصوم..

لكن فهمني شو بيقنع الجحش أنو جحش عقلو بالغبا متخوم..

عقد ملكية المكر بهالبلد قائم ببصمة وتوقيع وبختوم..

بأزمة ترقيع الهموم..بحزمة تبليع وعالنوم ..والفقر جاثوم..

والوضع متردي بتصدي مصدي وتحدي مدحوش بقساوة..

انسالي لكل مجتهد نصيب ..لكل مضطهد بزقلو أتاوي..

ولزقلو عشباك السيارة شكراً خريتو عالجرح وعاللي بداوي..

جلدة خنزيرن بناب كلابن فلذلك وهموك بصندوق الشكاوي

حشود التعاسة ببقعة هالبؤس هروها بالمنطقيات المعووجة

الشغلة ما صفت كوميديا سودا لما يقلب حدادك عنفسك اهزوجة

ماعد مصايب فراداً أو مصايب جمعاً مصايب ببعضا مدموجة

حتى بكوارث نهبو الغلة ومسكو العدسة وكفو التركمج عالموجة

تعا تفرج ..نحنا بسيرك وحيواناتو عم بتهرج..

واللي متفرج ..دافع من جيبو ومتبنج..

فيهن جاهل فيهن ازعر فيهن من جامعات متخرج..

فيهن ديلر وطنيات وفيهن متصهين متبرج..

واللي قاطع التذاكر ثعلب ببندقتوا ماكر..

حتى بياع السكاكر محتكر البضاعة ناكر..

مدير عام السيرك ضحكتو شبرين مجاكر..

الحيونة ع اكمل وجه تقلي بشر؟ لسا فاكر؟

كان زمان.. بيض أموالك أهما لعبة هيي خداع البصر..

اللي ما حضر راحت علي بس عتبك عاللي حضر..

اللي ما انكسر شحطو حتى يفهمو كيف ما انكسر؟

كيف بس صبر شو اللي اخرلو نزلتو عالقبر؟

كيف ما انجلط؟ لك في شي غلط؟

عيشة خرا بلا اي شي غلط؟

ولا طعم من خباثتنا زلط؟

ليش مبتسم وكيف انبسط؟

كيف ما فرش؟ باع البيت الحيلة العفش ؟ كيف ما طفش؟

صابو الخرس العما والطرش؟ اشحطو.. محشش بس ما انكمش!

بالدجل بياخدوك عالمحيط وبردوك ميت عطش حتى لو كنت بوسايدن..

إذا فرضاً لربما بقي من دمن قطرة بعدا ما انباعت لبوتن وبايدن..

السياسة دواوين سرطانية والدوا وين؟ اقنعن مانو معاكم ترا ولا معانا..

ناطرين انسانية مين ولامين وانتو مو من أعراقن لولاد الشرمولادانا..

بتعجب نفاق الإفادة من أجدب منساق وأحادي مسترطب أبواق العبادة

عم يركب خوزاقن للسادة عم يكتب عوراقن شهادة

تهريج مؤبد وانا متستقطب أعماق الإرادة ومو راضي بفتات..

مع خالص اعتذاري بالتشبيه ..محشوم الحيوانات..

تعا تفرج ..نحنا بسيرك وحيواناتو عم بتهرج..

واللي متفرج ..دافع من جيبو ومتبنج..

فيهن جاهل فيهن ازعر فيهن من جامعات متخرج..

فيهن ديلر وطنيات وفيهن متصهين متبرج..

واللي قاطع التذاكر ثعلب ببندقتوا ماكر..

حتى بياع السكاكر محتكر البضاعة ناكر..

مدير عام السيرك ضحكتو شبرين مجاكر..

الحيونة ع اكمل وجه تقلي بشر؟ لسا فاكر؟

كان زمان ..

لسه فاكر ؟