Tuunnu Zogam Don Kik Ni (Instrumental) Lyrics
- Genre:Hip Hop & Rap
- Year of Release:2023
Lyrics
Zosuan tate sim leh maal ah
Sam gi bang in ki khen in
Sing dang gam ah ih hei na pan
Tuunnu Zogam don kik ni
Yeah, Aussie pan zai ziah ziah ding
Sing dang gam ah va bang a leng
Tuai lai mom no Zosuan sate'n
Pupa' luah sa tuunnu Zogam
Gal in don ni gia bang zuun ni
Khut khat tawi bang khe khat khai bang
Lung ki hual in maai nawt khawm ni
Lung sit lo in han lung ciam ni
A moi pen pan a ham pen dong
Ih sep theih bang sem khawm le hang
Ih neih ih lam pia khia le hang
Ih tha ih ngal zang khia le hang
Ih pil ih siam zang khia le hang
Lung ki tuak in sem khawm le hang
Tuunnu Zogam tung suun ni bang
Hong tang ding a paak palh bang in
Hong paal luun in hong et lawm ding
Pasian' na sem siam pi te aw
Zogam Zomi ma kai te aw
Sian-mang' mai pha zong masa ni
Sian-mang lian sak masa pen ni
Ih pil na in ih siam na in
Ih theih na in ih hauh na in
Ih gam ih nam hong zuun zo kei
Laang bang dom kei paak bang tawi kei
Ih gam a ding ih nam a ding
Sian-mang' mai pha zong masa leng
Sian-mang lian sak masa pen leng
Ih gam sung ah ih nam sung ah
Cii theih na leh nop sak nate
Sian in sah bang hong pia ding a
Ih gam ih nam tuu bang cing in
Ham bang huai in hong kem ding hi
Yeah, Tuai lai khang note a ding
Sing dang gam ah mim bang piang in
Sing dang gam ah kill bang khang in
Mang kang ante ka ne zong in
Mang inn sung ah ka om zong in
Ka mi nam min Zomi mah hi
Ka si ka sa Zomi mah hi
Ka min nam min paai thei kei ning
Ka si ka sa khek thei kei ning
Zomi mah tawh zing vai hawm in
Khut ki leen in ma pang khawm in
Maai nawt khawm ni ma ciang suan ni
Tuun sung khat pan ciim nuai ta te'n
Pian na vang khua gia bang zuun ni
Kill bang khan na gia bang zuun ni
Tuunnu Zogam gia bang zuun ni
Pupa' luah sa gia bang zuun ni
Pasian' na sem siam pi te aw
Zogam Zomi ma kai te aw
Sian-mang' mai pha zong masa ni
Sian-mang lian sak masa pen ni
Ih pil na in ih siam na in
Ih theih na in ih hauh na in
Ih gam ih nam hong zuun zo kei
Laang bang dom kei paak bang tawi kei
Ih gam a ding ih nam a ding
Sian-mang' mai pha zong masa leng
Sian-mang lian sak masa pen leng
Ih gam sung ah ih nam sung ah
Cii theih na leh nop sak nate
Sian in sah bang hong pia ding a
Ih gam ih nam tuu bang cing in
Ham bang huai in hong kem ding hi
Tuunnu Zogam gal in don ni
Sing dang te in na don lo ding
Tuunnu Zogam gia bang zuun ni
Sing dang te in na zuun lo ding
Tui bang luang khawm gia bang zuun in
Khau bang ciah in tuang ih tun ding
Tuunnu Zogam hai bang hong ngak
Gaal in hong don thei bang hong vil