Meri Chitthi Lyrics

Mujhse mat darr yeh toh tu hi hai

Hum dono mein saalon ki doori hai

Kuch kehna tha, sunne se accha ho

Baatein yeh kehna zaroori hai

Aage ab sehna hai kaafi kuch

Aage bas aapna hi saathi tu

Peeche mat mudna tu chalte jaa

Maa baap se rehna hai kaafi door

Yeh duniya jo chahti woh hona matt

Gayron ke baaton pe rona matt

Raahon mein nafrat ki baarish ho

Usme is dil ko bhigona mat

Tu thoda alag aur yeh tujhpe shraap hai

Koi tujhko samajhna chahta ni

Par dil tera naazuk tu darwaaze band rakh

Yeh chaati mein dard mujhko bhaata ni

Aur raat ko sone jab jaata hai

Yaad se kamre ka darwaaza band rakhna

Mujhko koi kehta yeh usdin

Toh aaj main khudko shayad maaf bhi kar sakta

Bikhar sakta, chalte huwe

Tu sher hai, Arnab, tu kar lega

Darna mat, har chot ko nazmein samajhke tu jholi mein bhar lena

10 saal ki umar mein ghar se tu chal dega

Chahkar bhi ayega waapis nahi

Lautega jab tu, tu hoga koi aur

Duwa meri rab tujhko taakat de

Hifaazat se rakhna har yaad ko, inse hi tujhko sab jaanenge

Yaadein hi zindagi rangti hain, rangon ko lekar tu rang dega haath aapne

Maafi mein saahas zaroori hai, maaf kar dena jo dil tera todegi

Aur tujhko paane ki pyaas mein jalkar ek roz woh tujhko hi kho degi

Zakhmon ke paar jab pohochega, firse hum rubaroo honge waha pe

Jaana fir waapis tu Arnab ke paas, usko kuch baatein bataane

Koi mera nahi bacha yaha pe

Koi toh aa yaha, mujhe bachale

Koi mera nahi bacha yaha pe

Koi toh aa yaha, mujhe bachale

Nahi bacha yaha pe

Mujhe bachale