EN L'HONNEUR DU SLAM ft. MONARQUE LE GRAND M, SLAMARLIE, DIDDY SKYMAN & DON MR7BY7 Lyrics
- Genre:Spoken Word
- Year of Release:2023
Lyrics
Monarque le Grand M
M ekri nan lonè Eslam paske Eslam fè lonè m
Soti bonè m antre ta jou k pou'm chèche respè lè map di lonè m
Byen reflechi pou ekri
M ekri pou reflechi byen
Eslam se zam fwa'm chwa'm cham kwa'm antan ke Ekriven
Map monte yon kalvè sou baz panse monte rim jis pou m fè yon dal vè
Lè atis Pent pa vle desine'm nan Pwezi m chwazi kreye imaj mwen
M son piti an gran gen sa kap mande ki laj mwen
M konn tout tou vire m kon toupi
Ekri se plezi m menmsi yape toupizi m
Map toujou akro ak rim mwen
Pa mande'm koze si w pa konprann akro rim mwen
Akò vi mwen se yon amalgam panse pawòl pouvwa devan yon piblik pou map pibliye zèv mwen
Nan eslame m vin konn plis
Mwen avèl nou konplis
M kondui bak mwen byen pou m ka konsolide
Slam alekoum fè m konn gen Ekriven ki konn solidè
Slam banm rasin pou m grandi yon fason pou m simaye grenn
Nan lide rekonsilye tout tèt grenn degrennen
Paske chak grenn tèt konte pou mwen
Slam ap chanje chemiz pou mwen
Apre swè m fin bay
Map toujou kanpe goumen apresye m ou pa
Slam son terapi li se sèl plezi k ka trete
M gen pou m pase ale ale se sèl pwezi kap rete
Slam alekoum
Slam alekout
Sou chimen m te arive pèdi tras mwen
M te santi m debousole dekontwole e menm demantibile
Fè nwè ak lajounen te fè yon sèl
Nuit yo te san somèy
Jounenm te san solèy
M kwaze yon boy
M pa konn sil apetisan ou pa
Men m jis vle wè l kap neye nan pwa m
Sanzatann slam fè aparisyon l nan legzistans mwen pou konble vid mwen
Depi lè l penetre vi'm nan lòj mwen vire lanvè
Lanmèd si Slam pa fè w vini siw pa deside vizite kò pwezi
Lè l touche m tout orizon m kite stad de mil
Fason l djonpe sou asonans mwen menm alterasyon m konn fè jalouzi
Gon jan li admire kapital peyi ba m tout kat mwen kazino m opilan
Pafwa m konn anvi rele kawo nan mitan an ki pa janm bouke kenbe las mwen
Ak yon moso kè li fè m vini an dam
Ssslam m santi w rive sou tèt pwezi m
Ou mèt kite plim ou vomi sou mwen
Kite m savoure lank lan
Kite m chematize gouyad ba yo sou fèy mwen
Kite m kite m kite m tanpri kite m vèsifye jemisman m yo ak souf ou jou k pwezi a fè m sansib ak penso pwezi
M pran nan kouran pwezi
poul sa resi twòp pou mwen
Sa son Slam à lire ki defini Slamarlie an slam
Slam
Mwen m salouwe bote m
M salouwe divini ke w ye a
Fòs limyè nan moman je pete klere a
Ou son enèji ou son nanm plis kon relijyon
Preche Pwezi a depi sou premye verse la lespri m ki te toumante a tou poze
Enpoze lè men ak zòrèy yo te enpoze
Touche slam ou menm poukont ou son misyon
M renmen kouto w
Meyè fason pou m fann movo moman yo
M renmen touchew tou otan ke w renmen touche konsyans
Karese ti figi estil ou son privilèj
Yon kreyasyon ekstraòdinè
E chak bizou m baw son imaj ou banm son
Chak imaj m baw son bizou ki banm son
Bref nap pataje emosyon
Chak sot nan kè al nan kè
Chak grenn Eslamè son aviyatè kap pilote syèl
Bouch ou nan zòrèy mwen de je m fèmen vwayaj la asire Alò Slam Mèsi pou lannuit yo ou geri Kè brize yo ou kole Lè lwa yo pa jis ou fè Powèt yo revòlte
Yoow map fon panse spesyal ak calangouw Isra
Slamart ak tout sa k te ede mouvman an vanse e ak sila tou ki tap di nou gen foli jodi a kap fou pou nou
Map di nou yeah le slam va bien maintenant
Poum te onore slam nan kèk ba m pat oblije fè fèt
Chak Eslamè son Ewo nou tap fè l pou lanmou san pat gen resèt
E lè n resi mande pou yo peye n travay nou yo di nou pa fèl pou lanmou
Mwen slam se nanm mwen e san nanm pa gen vi
M konn nan vire tounen poum respire lè enspirasyon m vle bout men m pat gen dout sou sansasyon ak lanmou ke slam gen pou mwen
M vle onore slam ak chak grenn Eslamè ki pat abandone
Tout lè yo tap di Encre d'or ou fò vre men poukisa w pa rap oubyen chante
Men yo pa konnen tankou D-Fi si Slam sove vi'm
Rim nan tèks mwen eksprime souri m e dèyè souri'm kache tristès ke m pa ka eksprime
E se sou kaye m pi byen eksprime eksperyans vi'm
Se slam ki banm esperans e ki met sans nan vi'm
Honneur et mérite au slam
L'oraliture est un talent mais le slam c'est le talent de L'oraliture
Le Slam met du sens à mon écriture
Et mon écriture defini mon encre d'or
Larezonnen pou Apollon
Larezonnen pou Wadly
Larezonnen pou Monarque
Samy amor e tout lòt Eslamè kap goumen pou mouvan an
Larezonnen
Slam alekoum
Still vibe monopolis Don d'or slam alekoum
Tèks mwen fè efè sou yon SOL nan pataje kèk DO sou yon sèn rele'm doktè pwezi Chak fwa w fin koute tèks mwen kap tou rete kèk pèn
M chèche dekore kèk mo pou sanse se pa pou bèl
M ka chwazi ekri kèk lèt pou konsyans ou se pa pou bwèl
Se pa pou dwèt menmsi devan w m ta va pwente le majè
Men se pou m dirèk sou kèk tèks ki minè kap panse ke yo majè
Pawòl mwen yo ka senp se vre men sou nenpòt beat yo konplike
Wap konnenm te file anpil se kon w pike
Fasonm fè chema sou beat la se kòmsi ke mo yo te mare avèm
Oh Bondje gad janm fè kè slam kontan paske l te kwaze avè m
Aprè tèks sa nou mèt konnen fans yo pral tou bwase avè m
M pat janm pè pèsòn malgre respè m gen pou nou tout
Men depi se Slam mesye nou deja konnen lap kase avè m
Gen sak pral di Don pouki tout dezòd sa
Poukisa nan yon ti slam w aplike tout metòd sa
Si nap fè slam mesye fè l pouki tout mekòp sa
Si ba nou yo ka sèvi trètman pouki tout mikwòb sa
M pa chwazi pase jann pase a nan yon sans li patap fè sans pou mwen e m patap fill li
M chwazi onore Slam nan fason pou m fè kè l kontan
Epi m fini
Don d'or