Ana Mesh Baghamer _ أنا مش باغامر Lyrics

أنا مش باغامر

أنا مِش باغامِر لَمَّا باسَلّم فِكرِي لِيه

وِ مِش باضارِب الهوا لمَّا اصرُخ لِيه

وِ مِش سراب بِيِجرِى بعيد مخدوعَة نَفسي بِيه

هُوَّ الوحيد يِستاهِل كُلّ ثِقَتي فِيه

هُوَّ الطريق وِ الحَياة وِ كَمَال اِلمَشيئَة

هُوَّ اللي بيِدّى لمُوتي مَخَارِج بِـ ١٠٠ طَريقَة

هُوَّ اللي حلُولُه فُوق العَقلِ وْ فُوق إدراكـي

وِ تارِيخُه معايَ ف عُمري بيِشهَد إِنُّه عَجيب

أنا مِش ضمانِي فْ مال أو شِيء مسنود عَلِيه

وِ مِش مشغول بِبكُرَة : إيه اللي جايلي بيه؟

مَحفُوظة حياتي وْ أوقاتي بوَعدُه اللي مَاسِك فِيه

هُوَّ الصَديق و الصَادِق ، كُلّ رجائي فِيه

أنا ما استَغْرَبش الضيقَة لَمَّا بَاكُون وَيَّاه

محسُومة ، مْسِيرها لخِيرِي ، وِ فْ كَلِمَاتُه نَجَاة

وِ قصَاد شِكاية العَدُو عَليَّ ، لَوْ صَرَختِ بـْ " آه "

هُوَّ تُرسي ، سَنَدِي وْ حِصنِي ، مَلْجَأ بَالقاه