Domin dofé domièl Lyrics

Plér pa, lé pa lér

Rapèl aou

Flér la lé pa vér

Son pétal i klat pou ou

Bouké roz lé byin rouz

Dann bér lo kér

Lank i koz pou démavouz

Batan n'lam ant nout dé ou

Tyinbo mon min

Vol pa somin

Pangar lo tan

Anpar Lontan

Titia, « Ti somin »

Kado pou ou

Zakasia dési somin domin

Mwin sar la pou anpar aou

Byinto lotone, lér fèy i tonm

Mé pa pou nou doudou

La klos i sone, fé vol kolonm

Mi rèv mariaz ansanm ou

Domin, dofé, doumdoum, domièl

Dodo sanm ou doudou

Tèl bouginvilié sou tonèl

M'a anroul amwin sanm ou

La vi sar tizane sitronèl

Fri mir va sarz partou

Doudou ou koné byin

Tout mwin mi yinm sanm ou

Gout, mwin mi yinm tout domièl sanm ou

Domin dofé domièl

Dodo sanm ou doudou

Out boté lété létinsèl

Mé sé out manir la fé

Pran n'fé partou

Dofé dan la pay kane mon kér

Mi prétan pa i tinn, mi tiz, mi avane

Ti fi Monvér, ou mon bonér

Fo pa ké bouké la i fane

Fo ké dofé la i boukane

Tyinbo mon min

Vol pa somin

Pangar lo tan

Anpar Lontan

Rougay na kraz dan la kaz

Sou lonbraz lamour

Piman zinzanm va done lo gou

Na pilpilé dann kalou

Kiswa lor ou kansréti pakoti

Zano pou fé zoli

M'vé ba aou sou pié sapoti

Sou solèy m'vé rolèy la vi

Domin, dofé, doumdoum, domièl

Dodo sanm ou doudou

Tèl bouginvilié sou tonèl

M'a anroul amwin sanm ou

La vi sar tizane sitronèl

Fri mir va sarz partou

Doudou ou koné byin

Tout mwin mi yinm sanm ou

Rès pandiyé si mon kolé

Konm in mang zone

Sof ké ou sar pa tonbé

Akokiyé kolé séré

Koman zanpone

Ti bouzaron va bouz an robonbé

Délisman

Talisman

Toultan, toultan

Dann kwin la fré wi mi rèv domin

Domin, dofé, doumdoum, domièl

Dodo sanm ou doudou

Tèl bouginvilié sou tonèl

M'a anroul amwin sanm ou

La vi sar tizane sitronèl

Fri mir va sarz partou

Doudou ou koné byin

Tout mwin mi yinm sanm ou

Domin, dofé, doumdoum, domièl

Dodo sanm ou doudou

Tèl bouginvilié sou tonèl

M'a anroul amwin sanm ou

La vi sar tizane sitronèl

Fri mir va sarz partou

Doudou ou koné byin

Tout mwin mi yinm sanm ou

Sanm ou

Sanm ou...