Yon lot Fwa Lyrics

Lanmou se yon trezò

Plis pase dyaman ak lò

Tout kè ou te pou mwen

Men mwen pa t pran sa pou anyen

Ou te renmen m ak lafwa

Maten, midi, e swa

Men, m pa t wè, m pa t tande

Mwen te pati kite w m ale

Depi nou kite

Anpil bagay pase

Mwen monte, mwen desann

Mwen pran anpil gagann

Kounye a, m nan savann

Mwen wè dyab vle pran m

Mwen resi konprann

Pésonn pa kab ban mwen

Sa ou te ban m

Pou yon lòt fwa

Yon dènye fwa

Aksepte mwen nan kè ou

Kenbe mwen sou kè ou

Mwen konnen mwen te fè w mal

Men, pa ban m pèn kapital

Pa kondane mwen si w jije m

Fè pa mwen, padone m

Mwen konnen kè w te blese

Mwen konnen m te fè w kriye

Men, m konn lanmou gen anpil pouvwa

Renmen mwen

Pou yon lòt fwa

Yon dènye fwa

Aksepte mwen nan kè ou

Kenbe mwen sou kè ou

Mwen konnen mwen ba w koutba

Men, m regrèt mwen te fè w sa

Piga w panse a vanjans

Pratike tolerans

Cheri kounye a, m wè kle

Kè mwen gen anpil regrè

Di m ou vle rekoumanse

Di m ou vle

Pou yon lòt fwa

Yon dènye fwa

Aksepte mwen nan kè ou

Kenbe mwen sou kè ou

Lanmou w pou mwen enkwayab

Li fè m santi m konfòtab

Rantre nan zantray pou mwen wè

Ki jan cheri, ou ban m bonè

Tanpri cheri, an n tounen

An nou tounen renmen

M ap fè tout sa m konnen

Pou n ret renmen

Pou yon lòt fwa

Yon dènye fwa

Aksepte mwen nan kè ou

Kenbe mwen sou kè ou