Boom Fresh | Ngoma zilizoachiwa wiki hii na zipo Boomplay hizi hapa

Leo ni Ijumaa ya murua kabisa, siku ambayo huwa tunakusogezea ngoma ambazo zimeachia wiki nzima kwaajili ya kukukumbusha kusikiliza ngoma hizo endapo utakuwa umepitwa kutokana na shughuli mbalimbali za kila siku.

Wiki hii tumeshuhudia wasanii wakiachia ngoma mbalimbali. Wasanii hao ni Rayvanny (Nitongoze ft Diamond Platnumz), Young Lunya(Simu), Phina (Hayaa), Paul Clement (Mema), Seneta Worldwide (Nana), Haitham Kim (Ex Mtamu), Malkia Karen (Jinadi), Hamadai (Mususu).

Rayvanny - Nitongoze

Raymond Shaban Mwakyusa, maarufu kama Rayvanny ambaye amewahi kuwa chini ya record label ya WCB Wasafi, amerejea na wimbo mpya unaoitwa 'Nitongoze'. Katika ngoma hii kali, Rayvanny amemshirikisha Diamond Platnumz, ambaye ni staa mkubwa wa muziki Tanzania na Afrika akiongoza lebo ya WCB Wasafi.

'Nikutongoze' ni ngoma yenye vionjo vya muziki wa Amapiano na kwa hakika, Rayvanny ameitendea haki na zaidi uwepo wa Diamond Platnumz umefanya ngoma kuwa bora zaidi.

Nitongoze ft. Diamond Platnumz

Young Lunya - Simu

Msanii wa muziki anayetamba na miondoko ya Trap, Young Lunya amerejea tena kuwapa burudani mashabiki zake kwa kuachia ngoma mpya ya 'Simu'. Hii ni moja ya ngoma kali ambazo Young Lunya amewahi kuachia.

Sikiliza ngoma 'Simu' hapo chini kupitia Boomplay.

Simu

Phina - Hayaa

Mwanadada aliyebarikiwa sauti nzuri na ya kuvutia, Phina ameachia wimbo wake mpya ujulikanao kwa jina la 'Hayaa'. Ni ngoma kali ambayo kama ulisikiliza ngoma yake ya 'Nipo Nyonyo' basi huwezi kutofautisha sana.

Inachezeka na ina vibe kubwa sana. Hakika Phina ameendelea kuuthibitishia umma kuwa habahatishi kuanzia kwenye ngoma zake zilizopita.

Hayaa

Seneta Worldwide - Nana

'Nana' ndiyo wimbo mpya kutoka kwa Seneta Worldwide. Ni ngoma nzuri ambayo kwa mtu yeyote mwenye sikio la muziki hawezi kuichukulia poa. Sikiliza 'Nana' hapo chini kupitia Boomplay.

Nana

Haitham Kim - Ex Mtamu

Mwanadada mrembo Haitham Kim ameleta ngoma mpya inafahamika kwa jina la 'Ex Mtamu'. Ni wimbo wa mapenzi huu ambao unazungumzia utamu wa mpenzi wa zamani. Sikiliza wimbo huu hapo chini kupitia Boomplay.

Ex Mtamu ft. D Voice

Malkia Karen - Jinadi

Malkia Karen amewabariki mashabiki zake na ngoma mpya aliyopipa jina la 'Jinadi'. Ni ngoma yake mpya ambayo ni kama vile anafungia mwaka 2022. Inawezekana akaachia ngoma nyingine lakini 'Jinadi' hakika ni ngoma kali sana akimshirikisha Country Wizzy, mkali wa muziki wa rap.

Jinadi ft. Country Wizzy

Hamadai - Mususu

Mkali aliyebarikiwa sauti mahiri sana ya muziki, Hamadai amekuja na ngoma kali 'Masusu'. Sikiliza ngoma hii hapo chini.

Mususu

Ni ngoma gani imekuvutia zaidi kati ya hizi?

#BuzzBrandColumn #BoomFresh #Music #Trending