Boom Fresh | Hizi ndizo ngoma ambazo zimeachiwa na zinapatikana Boomplay wiki hii

Leo ni Ijumaa ya murua kabisa, siku ambayo huwa tunakusogezea ngoma ambazo zimeachia wiki nzima kwaajili ya kukukumbusha kusikiliza ngoma hizo endapo utakuwa umepitwa kutokana na shughuli mbalimbali za kila siku.

Wiki hii tumeshuhudia wasanii wakiachia ngoma mbalimbali. Wasanii hao ni Ommy Dimpoz (Dedication Album), Nay Wa Mitego (Sauti Ya Watu), Hemedy PHD (Carolina), Nuh Mziwanda (Penzi Jipya), Drimo (Bongo Pop Vol 1 EP).

Ommy Dimpoz - Dedication

Staa wa Bongo Fleva, Ommy Dimpoz ameachia albamu yake ya kwanza 'Dedication' baada ya kupita muda mrefu bila kuachia project kubwa yoyote. 'Dedication' ni albamu yenye ngoma 15 zenye mchanganyiko wa ladha za muziki mbalimbali. Ngoma zilizomo kwenye albamu hii ni 'Birthday', 'Mon Babe', 'Hasara Roho', 'I Got You', 'Magdalene', 'Moyo', 'Mpela Mpela', 'My Woman', 'Wale Wale', 'Marry You', 'My Queen', 'Ngolowane', 'Anaconda', 'Zekete' na 'Vacation'. Vile vile wasanii walioshirikishwa kwenye albamu hii ni Princess Nandy, Marioo, Musa Keys na DJ Maphorisa kutoka South Africa, Fally Ipupa kutoka DR Congo, na wengine wengi.

Dedication

Nay Wa Mitego - Sauti Ya Watu

Rais Wa Kitaa, Nay Wa Mitego amerejea tena kwa mashabiki wake baada ya kuachia ngoma yake mpya 'Sauti Ya Watu'. Ngoma hii imekuja ikiwa imepita takribani miezi miwili tangu alipoachia albamu yake ya 'Rais Wa Kitaa'. 'Sauti Ya Watu' ni ngoma kali ambayo imejikita katika kuzungumzia changamoto mbalimbali wanazokabiliana wananchi hususani Watanzania.

Sauti Ya Watu

Hemedy PHD - Carolina

Hemedy PHD amewakumbuka wafuasi wake baada ya kuja na ngoma mpya ambayo ameipa jina la 'Carolina' Remix akimshirikisha Ben Pol. Hii ni ngoma yake ya kwanza kwa mwaka huu wa 2022. Ni ngoma nzuri ambayo ni vizuri kuipitisha kwenye masikio yako.

Carolina Remix ft. Ben Pol

Nuh Mziwanda - Penzi Jipya

'Penzi Jipya' ni ngoma mpya kutoka kwa Nuh Mziwanda. Ni ngoma yake ya tano kwa mwaka huu wa 2022. Sikiliza ngoma hii hapo chini kutoka Boomplay.

Penzi Jipya ft. Ucho & Muki Comando

Drimo - Bongo Pop Vol 1 EP

Msanii chipukizi anayekuja vizuri, Drimo amedondosha EP yake mpya inayojulikana kwa jina la Bongo Pop Vol 1. 'Bongo Pop Vol 1' ni EP yenye ngoma nne ambazo ni 'Romeo & Juliet', 'Wapi', 'Mi Lover' pamoja na 'Nilewe'.

Bongo Pop Vol.1

#BuzzBrandColumn #BoomFresh #Music #Trending