Mtoto wa Davido afariki dunia

Mtoto wa staa wa muziki nchini Nigeria, Davidi Adedeji Adeleke maarfu kama Davido Ifeanyi Adeleke mwenye umri wa miaka mitatu (3), amefariki Dunia Jumatatu hii baada ya kuzama kwenye Swimming Pool nyumbani kwao.

Vyanzo mbalimbali kutoka Nigeria vinaripoti kuwa Ifeanyi ambaye Davido amezaa na mpenzi wake Chioma Rowland maarufu Chef Chi, alizama kwenye Swimming Pool kwa muda mrefu kabla ya wazazi wake kugundua kutoweka kwa mtoto wao.

Baada ya kufanya msako mkubwa kuhakikisha wanampata mtoto huyo, walikuta Ifeanyi akielea kwenye maji.

Inaelezwa, juhudi za kumkimbiza hospitalini mtoto huyo hazikufanikiwa kuokoa maisha ya Ifeanyi ambaye tayari alikuwa ameshafariki.

#Trending #Davido