Boom Fresh | Hizi ndizo nyimbo zilizoachiwa wiki hii na zinapatikana Boomplay

Leo ni Ijumaa ya murua kabisa, siku ambayo huwa tunakusogezea ngoma ambazo zimeachia wiki nzima kwaajili ya kukukumbusha kusikiliza ngoma hizo endapo utakuwa umepitwa kutokana na shughuli mbalimbali za kila siku.

Wiki hii tumeshuhudia wasanii wakiachia ngoma mbalimbali. Wasanii hao ni , Mbosso (Khan) na Harmonize (Made For Us), Menina (Changuta), Mansuli (Love Life Album), Salmin Swaggz (Flight Mode Album), G Nako (Tusipangiane), Kontawa (Champion), Ommy Dimpoz (Anaconda).

Mbosso - Khan EP

Staa wa muziki kutoka WCB Wasafi, Mbosso rasmi ameachia EP yake mpya iliyokuwa ikisubiriwa kwa hamu ambayo ameipa jina la 'Khan'. 'Khan' ni EP ya kwanza kabisa kutoka kwa Mbosso tangu aanze kujishughulisha rasmi na muziki.

'Khan' ni EP kali ambayo imejumuisha ngoma 6 za moto ambazo zimebeba maudhui ya mapenzi kwa kiasi kikubwa. Ngoma hizo ni 'Huyu Hapa', 'Pole', 'Shetani', 'Wayo', 'Assalaam' pamoja na 'Yataniua'. Wasanii ambao wameshirikishwa kwenye EP hii ni Ruby, Costa Titch, Ya Levis, Mohammed Almanji na Diamond Platnumz.

Khan

Harmonize - Made For Us

Staa wa muziki nchini Tanzania na bosi wa lebo ya Konde Music Worldwide, Harmonize ameachia albamu yake mpya ambayo ameipa jina la 'Made For Us'. Hii ni albamu ya tatu ya Harmonize tangu aanze kufanya muziki rasmi. Albamu hii inakuja takribani mwaka mmoja kupita baada ya albamu yake ya pili 'High School' ambayo aliiachia Novemba 5, 2021.

'Made For Us' ni albamu yenye jumla ya ngoma 14, huku baadhi ya ngoma hizo zikiwa tayari zilikwishaachiwa mapema kabisa kabla ya albamu hii kuachiwa. Ngoma hizo ni 'Amelowa', 'Nitaubeba', 'Deka', 'Miss Bantu', na 'Leave Me Alone'.

Made For Us

Menina - Changuta

Mwanadada Menina amekuja na ngoma mpya ambayo ameipa jina la 'Changuta'. Menina ameachia ngoma hii ikiwa umepita muda mfupi sana baada ya ngoma yake nyingine ya 'Tabia Zangu' Sikiliza hapo chini ngoma hii mpya ya Menina 'Changuta'.

Changuta

Mansuli - Love Life

Rapa Mansuli ameamsha mji baada ya kuja na albamu yake mpya matata yenye ngoma 20 za moto. Albamu hii yote inapatikana Boomplay na unaweza kusikiliza hapo chini.

Love Life

Salmin Swaggz - Flight Mode

Salmin Swaggz amedondosha project mpya matata 'Flight Mode' Albamu hii ina jumla ya ngoma 17 na ni project ya kwanza kabisa kutoka kwake kwa mwaka huu wa 2022. Sikiliza albamu nzima ya Salmin Swaggz 'Flight Mode' hapo chini kupitia Boomplay.

FLIGHT MODE

G Nako - Tusipangiane

Mkongwe katika game ya muziki Tanzania, G Nako amekuja na mkwaju wake mpya 'Tusipangiane'. Hii ni project ya pili kwa G Nako kwa mwaka huu wa 2022. Endelea kusikiliza ngoma 'Tusipangiane' hapo chini kupitia Boomplay.

Tusipangiane ft. Rayvanny

Ommy Dimpoz - Anaconda

Ommy Dimpoz, moja ya wasanii wenye sauti mahiri sana ameachia ngoma yake mpya 'Anaconda'. Ngoma hii ni kama kidokezo kuelekea ujio wa albamu yake mpya ambayo muda wowote kutoka sasa inaweza kuachiwa.

Anaconda ft. Blaq Diamond

#BuzzBrandColumn #BoomFresh #Trending #Music