Boom Focus | Tunamzungumzia Mbosso

Katika Boom Focus leo tunamtaza staa wa muziki kutoka WCB Wasafi, Mbwana Yusuf Kirungi maarufu kama Mbosso.

Huyu ni miongoni mwa mastaa wakubwa sana wa muziki Tanzania na Afrika Mashariki. Mbosso alizaliwa katika Wilaya ya Kibiti, Pwani kutoka kwa baba yake Yusuf Kirungi na mama yake Hadija Salum. Mbosso alikulia na kusoma huko huko Kibiti mpaka alipohitimu kidato cha nne kuamua kuanza harakati zake za muziki.

Alinza muziki chini ya Kundi la Yamoto Band lililokuwa likiongozwa na moja ya mamenejja maarufu wa muziki nchini Tanzania, Said Fella maarufu kama Mkubwa Fella. Mbosso alikuwa na wenzake wengine ambao ni Aslay, Enock Bella na Beka Flavour baadaye kuanzisha Yamoto Band na mafanikio ya safari yake ya muziki kuanzia hapo.

Chini ya Yamoto Band Mbosso na wenzake walifanikiwa kushinda tuzo kadhaa pamoja na hata kuzunguka maeneo mbalimbali kwaajili ya kufanya show. Walifanikiwa kufanya ngoma kama vile 'Ntakupwelepweta', 'Basi Ninajuta', 'Nisambazie Raha', 'Cheza Kwa Madoido' na nyingine nyingi.

Mwaka 2017, Yamoto Band ilivunjika na kila mtu kusambaratika kivyake na ndipo Mbosso alipojiunga na lebo ya WCB Wasafi na kuachia wimbo wake wa kwanza kabisa 'Watakubali' mwaka 2018. Baada ya hapo aliachia 'back to back' ngoma nyingine kama vile 'Nimekuzoea', 'Alele', 'Shida', 'Picha Yake', 'Nadekezwa', 'Nipepee', 'Tamu', 'Maajab' na nyingine nyingi.

Mpaka sasa Mbosso amefanikiwa kuachia albamu moja ambayo ni 'Definition Of Love' yenye ngoma 14 kali.

Mbosso ni miongoni mwa wasanii wenye streams nyingi Boomplay akiwa na zaidi ya streams milioni 102.2 mpaka sasa, huku akiwa ameachia EP yake ya kwanza kabisa ambayo ameipa jina la 'Khan EP'.

Ngoma gani unaikubali zaidi kutoka kwa Mbosso? Weka comment yako hapo chini.

Moyo ft. Costa Titch & Phantom Steeze

#BuzzBrandColumn #BoomFocus #Mbosso