#BoomplayAwards: Zuchu apata Tuzo 10 Boomplay

Jina lake kamili ni Zuhura Othman Soud maarufu kama Zuchu. Pengine ndiye msanii wa kike ambaye anayefuatiliwa zaidi katika tasnia ya muziki nchini Tanzania.

Akiwa na takribani mwaka mmoja na miezi sita, tayari Zuchu amevunja na kuweka rekodi za muziki mbalimbali nchini na nje ya mipaka ya Tanzania.

Licha ya kuwa na muda mfupi sana ndani ya tasnia ya muziki, tayari Zuchu amefanikiwa kupata tuzo 10 kutoka Boomplay baada ya nyimbo zake kupata streams nyingi kwenye app ya Boomplay.

Nyimbo ambazo zimempata tuzo Zuchu ni Litawachoma ft. Diamond Platnumz, Nobody ft. Joeboy, Wana, Nisamehe, Raha, Kwaru, Hakuna Kulala, Ashua, I am Zuchu pamoja na tuzo ya jumla baada ya kufikisha zaidi ya streams milioni 20.

Akizungumza baada ya kupata tuzo hizo, Zuchu amesema anashukuru mashabiki wake na watu wote waliomuwezesha kupata tuzo, kwani sio kwa uwezo na nguvu zake pekee isipokuwa kwa ushirikiano kutoka kwa watu wote kuanzia uongozi wake mpaka mashabiki.

"Nawashukuru mashabiki wangu, uongozi wangu na watu wote waliofanikisha mimi kupata plaques (tuzo). Ni heshima kubwa kwangu na nawaomba watu mbalimbali waendelee kufuatilia na kusikiliza kazi zangu mbalimbali, kamwe nawaahidi kutowaangusha."

Kwa sasa kwenye app ya Boomplay, Zuchu ndiyo msanii wa kike anayeoongoza kusikilizwa Afrika Mashariki akiwa na zaidi ya streams milioni 40 kupitia ngoma zake zote zinazopatikana Boomplay.

Kwa sasa anatamba na wimbo wake mpya wa 'Nyumba Ndogo' ambao umeendelea kufanya vizuri kwenye app ya Boomplay. Unaweza kuusikiliza hapo chini;

Nyumba Ndogo

#Zuchu #BoomplayAwards #Music